Një zjarr masiv ka përfshirë mesditën e kësaj të shtune kodrat me ullishte në Peshtan të Vogël në Fier.
Flakët janë përhapur me shpejtësi të favorizuara edhe nga era e fortë duke dalë jashtë kontrollit teksa kanë përfshirë një sipërfaqe prej 5 ha.
Në vendngjarje kanë mbërritur menjëherë 6 mjete zjarrfikëse , 4 të Fierit dhe 2 të Albpetrolit të cilat janë angazhuar me efektiv të plotë për shuarjen e flakëve.
Aktualisht zjarri është vënë nën kontroll ndërsa forcat zjarrfikëse ende po punojnë për të shuar të gjitha vatrat në mënyrë që të evitohet riaktivizimi.
Zjarri ndodhet larg zonës së banuar.
