Një ngjarje e rëndë ka ndodhur në orët e vona të mbrëmjes së djeshme në Pisa të Italisë, ku ka mbetur i plagosur me armë zjarri një shqiptar.
Mediat vendase bëjnë me dije se ngjarja ka ndodhur në rrugën e njohur si Cascina në Pisa, ku 35-vjeçari shqiptar u zu në pritë dhe u qëllua me 3 plumba.
Policia vendase po heton ngjarjen, ndërsa paraprakisht dyshohet se autori kishte larje hesapesh me shqiptarin.
Autori u zhduk nga vendi i ngjarjes, ndërsa policia po punon për kapjen dhe identifikimin e tij.
