Ambasadori i “Euro 2024”, Philip Lahm, ka kritikuar hapur institucionet dhe Federatën Gjermane të Futbollit në lidhje me infrastrukturën që rrethon turneun në prestigjioz në kontinentin e vjetër, ndërsa foli ashpër për mungesën e investimeve në dekadat e fundit.
“Unë mendoj se ne kemi dështuar si vend për të punuar në infrastrukturën në dekadat e fundit. Institucionet përkatëse do të vazhdojnë të bëjnë gjithçka që munden për të siguruar që njerëzit të shkojnë nga pika a në pikën b në kohë.
Në përgjithësi, unë kam dhjetë ditë që udhëtoj me tren dhe kam qenë shumë i përpiktë për shumicën e gjërave. Sigurisht që u vonova, gjë që sigurisht është e bezdisshme, veçanërisht për fansat që kanë udhëtuar shumë dhe kanë shpenzuar shumë para”, tha Lahm.
Në javën e parë të Kampionatit Europian, shumë tifozë kritikuan rrethanat e udhëtimit për në stadium. Vetë ish-mbrojtësi i Gjermanisë pati përvojë të keqe kur ishte vonë për ndeshjen ndërmjet Ukrainës dhe Sllovakisë në Dyseldorf të premten, për shkak se treni i tij ishte vonë.
Kampionati Europianë po hyn në fazën më të nxehtë, aty ku për çështje ditësh nis faza me eliminim direkt. Gjermania, Anglia dhe Franca kuotohen si favoritet kryesore të këtij kompeticioni.
