Një automjet tip “Skoda” është përfshirë nga flakët gjatë lëvizjes mbrëmjen e kësaj të mërkure pranë stadiumit të vjetër, në lagjen “30-Vjetori” në Berat.
Mësohet se fillimisht është dëgjuar një shpërthim i vogël dhe më pas makina ka marrë flakë. Në vendin e ngjarjes kanë shkuar forcat zjarrëfikëse, të cilat fillimisht bën të mundur nxjerrjen pa lëndime nga mjeti të drejtuesit Marsel Hoxha dhe më pas kanë neutralizuar dhe fikur zjarrin, duke mos lejuar përhapjen më tej të flakëve.
Burimet zjarrfikëse në vendngjarje kanë konfirmuar se shkak për zjarrin dyshohet se është bërë rrjedhja e gazit të makinës. Si pasojë e zjarrit është dëmtuar tërësishtt pjesa e përparme e mjetit.
Në vendin e ngjarjes kanë shkuar edhe forca policie, që po kryejnë edhe hetimet në lidhje me ngjarjen.
