Ish-ministri i Brendshëm Saimir Tahiri paraqitet mesditën e sotme në Prokurorinë e Posaçme.
Tahiri ishte i shoqëruar nga avokati Maks Haxhia, ndërsa është thirrur nga prokurori Elvin Goga në lidhje me ‘hetimin pasuror’.
Ish-ministri i Brendshem po hetohet nga SPAK per disa transferta bankare dhe dhjetera prona në Tiranë. Tahiri është paraqitur në SPAK për herë të parë pas dënimit të tij dhe lirimit më pas me kusht.
Më 4 shkurt të vitit 2022, Apeli i Gjykatës Kundër Krimit të Organizuar dhe Korrupsionit pas një seance maratonë, dënoi Tahirin me 5 vite burg për ‘Shpërdorim të detyrës’. Por me gjykim të shkurtuar dënimi u ul në 3 vite e 4 muaj burgim. Tahiri u dënua vetëm për “Shpërdorim detyre” duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”.
Tahiri qëndroi vetëm një vit e katër muaj në qeli, deri në qershor 2023 kur dhe u mor vendimi që vuajtja e dënimit të mbetur të kryhej në banesë.
