Janë lënë në burg, babai, vëllai dhe burri i 29-vjeçares, e cila u dhunua dy ditë më parë nga tre personat e mësipërm.
Gjykata e Vlorës ka vendosur masën e sigurisë ”arrest ne burg” me afat 45 ditë për Astrit Bajrami 60 vjeç, babai i vajzës; Ervin Bajrami 26 vjeç vëllai dhe Armand Janka, burri i 29-vjeçares.
Prokuroria ka kërkuar arrest në shtëpi por fakti që të gjithë personat jetonin ne një ambient ka bërë që gjykata të vendosë arrest në burg 45 ditë.
Ndërkohë, pasi kanë dalë nga salla e gjyqit dy avokatët e çështjes Edmond Dema dhe Romarjo Meminaj kanë theksuar se vajza prej moshës 2-vjeçare vuante nga epilepsia. Ndërsa kanë kërkuar nga policia që përpara se te dalin me njoftim zyrtar duhet të bëjnë hetime.
Vajza nuk ishte e fejuar, por e martuar dhe me një fëmijë 5 vjeç. Prej kohesh kurohej te neurologu dhe kishte shfaq probleme. Sipas avokateve nuk është hera e parë që policia arreston persona pa kryer hetime përkatëse dhe kjo është mungese profesionalizmi.
