Kombëtarja shqiptare do të luajë sot ndeshjen e dytë të vlefshme për grupin B të kampionatit europian “Gjermani Euro 2024”. Kuqezinjtë tanë do të zbresin në fushë në orën 15:00 “Volfsparkstadion” të Hamburgut në duelin ballkanas përballë Kroacisë.
Të dy ekipet do të kërkojnë të marrin maksimumin në këtë përballje për të mbajtur “gjallë” shpresat për kalimin e grupit, pas humbjeve në ndeshjen e parë, më konkretisht Shqipëria përballë Italisë me rezultatin 2-1 dhe Kroacia përballë Spanjës me rezultatin 3-0.
Ekipi kroat është dukshëm në letër favorit ndaj nesh, por futbolli ka dhe surprizat, teksa kuqezinjtë tanë nuk kanë më çfarë të humbin dhe do mundohen t’u japin tifozëve një paraqitje të denjë, pas asasj zhgënjyese përballë “axurrëve”.
Grupi është i plotë, teksa ditën e djeshme, kuqezinjtë e zhvilluan stërvitjen në stadiumin ku luan skuadra gjermane e St. Paulit, për shkak se UEFA kishte sinjalizuar FSHF-në, që stërvitja e fundit e ekipit nuk mund të kryehej në stadiumin ku do të zhvillohet ndeshja e sotme, pasi për shkak të rreshjeve të shiut, fusha mund të dëmtohej. Ky vendim i UEFA-s ishte sigurisht për të dyja skuadrat, pasi edhe Kroacia nuk mund të stërvitej në stadium.
Trajneri Silvinho pritet të vijë me disa ndryshime në këtë ndeshje, ku në qendër të mbrojtës ka një dilemë mes Ismajlit dhe Ajetit, ndërsa mund të aktivizohet nga minuta e parë edhe Arbër Hoxha, i cili mund të zerë vendin e Seferit ose Asanit. Megjithatë, kjo do të vendoset vetëm në orët e fundit, ku tekniku brazilian jo pak herë na ka surprizuar me formacionin.
Stadiumi ka një kapacitet prej 57 mijë vendesh, ku referuar raportimeve mediatike, rreth 15 mijë tifozë pritet të jenë shqiptarë dhe pjesa tjetër kroatë.
Ndeshjen e fundit në grup, Shqipëria do ta luajë të hënën, më 24 Qershor, në orën 21:00 në stadiumin e Düsseldorf-it.
Por cilat janë shanset e Kombëtares së Shqipërisë për të kaluar në fazën e 1/16 të këtij Europiani, duke marrë parasysh se rivalët big të grupit, Italia dhe Spanja, sfidojnë njëra-tjetrën nesër në mbrëmje.
Skenari 1: Shqipëria fiton ndaj Kroacisë dhe Spanja mund Italinë, më pas Shqipëria barazon me Spanjën dhe Kroacia fiton kundër Italisë (në çdo rast do të vëzhgohej golavarazhi)
1-Spanjë 7 pikë
2-Shqipëri 4 pikë
3-Itali 3 pikë
4-Kroaci 3 pikë
Skenari 2: Shqipëria fiton ndaj Kroacisë dhe Spanja mund Italinë, më pas Shqipëria mposhtet nga Spanja dhe Kroacia fiton kundër Italisë (në çdo rast do të vëzhgohej golavarazhi)
1-Spanjë 9 pikë
2-Shqipëri 3 pikë
3-Itali 3 pikë
4-Kroaci 3 pikë
Skenari 3: Shqipëria barazon me Kroacinë dhe Spanja mund Italinë, më pas Shqipëria fiton me Spanjën dhe Kroacia fiton kundër Italisë (në çdo rast do të vëzhgohej golavarazhi)
1-Spanjë 6 pikë
2-Shqipëri 4 pikë
3-Kroaci 4 pikë
4-Italia 3 pikë
Skenari 4: Shqipëria fiton me Kroacinë dhe Spanja mund Italinë, më pas Shqipëria fiton me Spanjën dhe Kroacia fiton kundër Italisë (në çdo rast do të vëzhgohej golavarazhi)
1-Shqipëri 6 pikë
2-Spanjë 6 pikë
3-Kroaci 3 pikë
4-Itali 3 pikë
Skenari 5: Shqipëria fiton me Kroacinë dhe Italia mund Spanjën, më pas Shqipëria barazon me Spanjën dhe Kroacia fiton kundër Italisë (në çdo rast do të vëzhgohej golavarazhi)
1-Itali 6 pikë
2-Shqipëri 4 pikë
3-Spanjë 4 pikë
4-Kroaci 3 pikë
Skenari 6: Shqipëria Shqipëria barazon me Kroacinë dhe Italia mund Spanjën, më pas Shqipëria mund Spanjën dhe Kroacia mund Italinë (në çdo rast do të vëzhgohej golavarazhi)
1-Itali 6 pikë
2-Shqipëri 4 pikë
3-Kroaci 4 pikë
4-Spanjë 3 pikë
Gjithsesi, vlen të theksohet fakti se Shqipëria e ka mundësinë për t’u kualifikuar edhe si një prej ekipeve më të mira që do të pozicionohen në vendet e treta në grupe. Do të jenë 4 ekipe të vendve të treta në 6 grupe që do të kualifikohen për në fazën e 1/16 të këtij Europian. Gjithsesi, së pari Shqipëria duhet të marrë pikët për vendin e tretë, pasi aktualisht është 0 pikë dhe nëse arrin të marrë 4 pikë në dy ndeshjet e mbetura, kualifikimi do të ishte pothuajse i sigurt edhe si një prej ekipeve të vendve të treta më të mira.
