Një tërmet i fuqishëm ka goditur ishullin e Rodosit në Greqi, ku forca e lëkundjeve ishte me magnitudë 4.9 të shkallës Rihter.
Mediat e huaja shkruajnë se epiqendra e tërmetit ishte në një pozicion 10 kilometra në perëndim-jugperëndim të Lindos.
Po ashtu bëhet me dije se thellësia fokale e tij ishte 54.1 kilometra.
Mediat lokale bëjnë me dije se lëkundjet u ndjenë në të gjithë ishullin.
Në komunikimin e protothema.gr me Efthimios Lekkas , profesor i Tektonikës Dinamike, Gjeologjisë së Aplikuar dhe Menaxhimit të Fatkeqësive Natyrore, ai theksoi se nuk ka asnjë shqetësim për tërmetin.
Ai shtoi se për shkak se ka një thellësi fokale më shumë se 50 kilometra, nuk ka asnjë lidhje me defektet sipërfaqësore.
