Disa ditë më parë, në media u raportua se tranjeri i kombëtares shqiptare, Silvinho, më 29 Janar të këtij viti, kishte shkuar në Gjermani për të ndjekur nga afër ndeshjen Frankfurt 1-0 Mainz, jo për të parë Brajan Grudën, por për të patur një takim me mbrojtësin e majtë Anthony Caci.
Në kërkimet për të gjetur një zëvendësuar të Mario Mitajt në krahun e majtë, Silvinho kishte vënë në lëvizje FSHF-në për të gjetur një rast si Ivan Balliu, i cili ka patur gjyshlrit me origjinë shqiptare, por të lindur në Spanjë.
Nga kërkimet, emri më i ngjashëm shqiptar rezultoi Anthony Caci, 26-vjeçari i lindur në Forbach të Francës dhe që ka luajtur edhe tre takime me ekipin e “Gjelave”, por në Lojërat Olimpike.
Por, për mbrojtësin e majtë të Mainz nuk rezultoi asnjë e dhënë që ta lidhte me rrënjët shqiptare. Gjithsesi, nisur vetëm nga mbiemri “Caci”, Silvinho nuk nguroi që të shkonte dhe ta takonte, takim për të cilin nuk ka të dhënë se si ka përfunduar.
Pas publikimit të lajmit pak ditë më parë, shqiptarët “u turrën” drejt profilit të Anthony Cacit në rrjetet sociale, ku përmes komenteve i bënin thirrje që të vinte tek Shqipëria dhe duket se kjo gjë ka dhënë efekt për ta “shqiptarizuar” atë.
Ditën e sotme, Caci ka publikuar një foto në rrjetet sociale me një person tjetër ku shkruan në shqip “vëllai im”. Siç mund ta shihni edhe në fotot e mëposhtme, personi që është në foto me të e ka ripublikuar storyn në profilin e tij, duke i mbivendosur edhe flamurin kuqzi të Shqipërisë.
Jo vetëm kaq, por në profilin e tij në rrjetet sociale, duket se Anthony Caci edhe emrin e ka shqiptarizuar duke e vendosur “Titi”, emër tipik shqiptar.
Siç duket, pas thirrjes masive të shqiptareve, Anthony Caci e ka marrë seriozisht idenë për të përfaqësuar një ditë kombëtaren shqiptare të futbollit, duke u pajisur fillimisht me pasoportën shqiptare. Ndoshta, rrënjët e tij janë vërtet shqiptare, por këtë gjë ende nuk ka të dhëna.
Ai do të ishte një konkurent i fort i Mario Mitajt për në krahun e majtë, por pse jo duke luajtur edhe bashkë, me mbrojtësin shkodran që mund të aktivizohet në Mesfushë si tek Lokomotiva e Moskës.
I dalë nga moshat e Strasbourg, Caci ka luajtur deri në vitin 2022 me ekipin e parë të francezëve dhe më pas kaloi në Bundesligë me Mainzin, aty ku në sezonin e fundit u paraqit në 33 ndeshje, duke shënuar dy herë dhe asistuar në katër raste.
