Kryeministri i Shqipërisë, Edi Rama vazhdon propagandën e tij me turistët.
Rama tha se Shqipëria ka hyrë në rrugën e transformimit, por harron që qeveria e tij është e zhytur në korrupsion dhe përfshihet nga skandali në skandal.
“Një shifër kam dëshirë ta ndaj me ju, sepse është një shifër tejet domethënës, e paimagjinueshëm deri jo shumë vite më parë, shumë kuptimplotë se çfarë po përpiqemi të bëjmë, por edhe orientuese për si do shkojmë më tej. Sitet arkeologjike, vetëm më 4 muaj e parë të këtij viti kanë tërhequr 182 mijë vizitorë, ndërkohë parqet kombëtare janë vizituar rreth 800 mijë vizitorë, Këto janë shifra marramendëse potë kemi parasysh se nga jemi nisur.
Gjithmonë e rëndësishme për ne është se ku duhet të shkojmë dhe për këtë kemi fiksuar majën e 2030, si një pikë, ku jo vetëm transformimi I vendit do të behët I pakthyeshëm, por kur Shqipëri do të rrezatojë në këtë rajon shëmbëlltyrën e një vendi që është Evropa e Ballkanit. Shqipëria në 2030 do jetë vend kampion i turizmit në këtë rajon. Do jetë stabilizuar në champions League e Mesdheut, por që do ketë të plotësuara të gjithë ata pjesë të mozaikut, që sot ende mungojnë”, tha Rama.
Kujtojmë që eksponentë të rëndësishëm të partisë socialiste, drejtorë “patronazhistë”, ish-deputetë, ish-kryebashkiakë ndodhen në qelitë e burgjeve të akuzuar për korrupsion miliona euro.
Nga ish-zv/kryeministri Arben Ahmetaj i shpallur në kërkim ndërkombëtar dhe emra të njohur të socialistëve janë objektet kryesore të hetimeve nga Prokuroria e Posaçme.
Gjithashtu edhe bashkia e Tiranës është e zhytur në korrupsion masiv me kryebashkiakun Erion Veliaj i cili është arkitekti i “inceneratorit” apo aferave të tjera si ajo e “5D” ku u zhvatën miliona euro të taksapaguesve shqiptarë.
Momentalisht kjo është fytyra e vërtetë e qeverisë dhe pushtetit lokal të socialistëve, kurse “turistët” janë “maska” pas të cilës tenton të fshihet dështimi i Edi Ramës.
