Deputeti i PD-së Lulzim Basha ka përfunduar pas 2 orësh diskutime mbledhjen me Kryesinë e tij, ku në fokus të diskutimeve ishte vendimi që do të marrin, pas vendimit të Gjykatës së Apelit, e cila i dha vulën e partisë Sali Berishës.
Në një prononcim për mediat pas takimit, Basha tha se nuk ka mbaruar, por do t’u bashkohet edhe Kolegji i Kryetarëve të degëve dhe më pas do të dalin me një vendim.
“Kemi ecur me mbledhjen e kryesisë, por nuk e kemi përfunduar. Do ti bashkohemi kolegjit të kryetarëve. Gjithçka që ju thashë kur hyra vazhdon të qëndrojë. Do vazhdojmë takimet me kolegjin e kryetarëve dhe kryesinë”, tha Basha.
Para takimit, Basha deklaroi se do të vazhdojë betejën, të cilën nuk e bën as për logo dhe as për karrige, teksa theksoi se nuk komenton vendimin e gjykatës. I pyetur për mundësinë e krijimi të një force të re politike, Basha nuk dha një përgjigje direkte.
Basha: Në fund të fundit këtë betejë as nuk e vazhdojmë për logo dhe as për karrige, jemi bërë bashkë për diçka më të madhe. Kjo është një betejë shpirtrash për idealet e demokratëve. Sot është më e qartë se kurrë që Shqipëria meriton më shumë. Do të bëjmë gjithçka qe kemi në dorë, të vazhdojmë betejën tonë për një Shqipëri më të mirë. Nuk e komentoj vendimin e gjykatës.
Vendimet për hapat do ti diskutojmë tani me kolegët. Të gjitha vendimet që do të marrim do të jenë në përputhje me atë angazhim që kem i marrë para demokratëve. Synimi është largimi i kësaj qeverie dhe hapja e perspektives….
Pyetja: Si ta marrim këtë si një forcë e re politike?
Basha: Të një Shqipëria që meriton shumë më shumë sesa ka sot.
