Argita Malltezi, vajza e liderit opozitar Sali Berisha, ishte e pranishme sot në protestën që u mbajt para Kuvendit. Malltezi tha se protesta e sotme kishte nerv opozitar.
Malltezi deklaron se nuk ka asnjë shans ligjor që Sali Berishës t’i hiqet mandati i deputetit.
“Sot protesta kishte nerv opozitar. Nuk ka asnjë shans ligjor që Sali Berishës t’i hiqet mandati. Berisha nuk është nën akuzë, është thjesht në fazë hetimi.
Mandati hiqet kur pa arsye nuk shkohet në parlament dhe kur ka vendim të formës së prerë. Asnjë nga këto kushte nuk plotësohen në rastin e Sali Berishës.”– tha Malltezi për News24.
