Është zbardhur një pjesë e deklaratës së Gazment Bardhit në mbledhjen e grupit parlamentar të Partisë Demokratike.
Mësohet se në fokus të diskutimeve është protesta e nesërme që do të mbahet para Kuvendit, paraleshit me seancën plenare, ku do të kërkohet largimi i kryeministrit Edi Rama pas publikimit të investigimeve nga emisioni “Report” i televizionit italian RAI 3.
Bardhi u ka kërkuar deputetëve angazhim maksimal për protestën e nesërme, teksa u ka kërkuar që të jetë ne zonat e përcaktuara. Ndër të tjera, Bardhi ka thënë dhe se duhet vendosmëri dhe qëndrueshmëri kundër qeverisë.
“Gjithsecili prej nesh duhet të angazhohet maksimalisht për protestën që kemi thirrur nesër përpara Kuvendit. Duhet angazhim maksimal, dhe secili prej nesh do duhet të jetë ne zonat e përcaktuara, për të punuar për protestën. Duhet të tregojmë vendosmëri dhe qëndrueshmëri kundër qeverisë, e cila çdo ditë po na i fakton akuzat për lidhje me krimin dhe e zhytur në korrupsion.” – ka thënë Gazment Bardhi në mbledhjen grupit.
