Opozita do të mbajë nesër në orën 10:00 një protestë para Parlamentit, për të cilën ka kërkuar 5 orë leje në polici.
Shefi i organizimit të Rithemelimit, Klevis Balliu tha në një intervistë për Euroneëw Albania se në protestën e nesërme do ketë një kohezion mes deputetëve në sallën e Parlamentit dhe protestuesve jashtë tij.
Sipas tij, me skandalet që i kanë dalë qeverisë Rama, çdo protestues nesër ka të drejtë të marrë çdo hap që do.
“Protesta nesër për këto arsye çdo qytetar është me të drejtën e Zotit të marrë çdo hap që do, ne kemi parë gaz lotsjellës në dhomat e foshnjave tre muajshe, u digjka një derë e bashkisë dhe janë bërë 20 arrestime. Do ketë protestë edhe brenda në Parlament, deputetë duhet të bëjnë reagim të ashpër brenda Parlamentit dhe ne jashtë tij do jemi në kohezion të plotë. Unë nuk hyj tek ata që besoj se do ndodhë kjo e ajo, sot mundësia ime është të dal të protestoj, kjo qeveri duhet të ikë”, tha Balliu.
