Anëtari i Këshillit Kombëtar i Partisë Demokratike, Aldo Bumçi duke komentuar sulmin e ashpër të Edi Ramës ndaj në Rai3 pas intervistës së tij në emisionin ‘Report’ tha se kryeministri e ndjen se është në fundin e tij.
Bumçi tha se Rama ishte mësuar me mediat shqiptare, të cilat, sipas tij, nuk guxojnë të dalin kundër tij pasi ka censuruar çdo zë kritik.
“Edi Rama sot është në fundin e tij. Ai ka bërë një investim shumë të madh në dy drejtime, për të drejtuar një propagandë, lobim dhe censurë për çdo zë kritik ndaj tij. Shqipëria ishte një parajsë dhe nuk mund të pipëtinte asgjë kundër këtij imazhi dhe kjo është bërë me lekët e qytetarëve shqiptarë duke influencë, lobim edhe korruptim, dhe nga ana tjetër, shkatërrimi i opozitës brenda. Sot Edi Rama, edhe pse në një kosto shumë të madhe për shqiptarët, ka dështuar në këto dy projekte. Opozita është sot në këmbë dhe ai nuk arriti dot ta shkatërronte atë siç tregoi emisioni Report në Rai3, por edhe një sërë mediash të tjera” tha Bumçi per Syri tv.
