Banorët e fshatit Shushicë në Elbasan kanë bllokuar rrugën në shenjë proteste për mosvënien në funksion të kanalit vaditës ‘Polis Tudan’, i cili është bllokuar si pasojë e ndërtimi të një hidrocentrali.
Banorët u shprehen për mediat, se ky ujësjellës është i rëndësishëm për bujqësinë në këtë fshat, pasi janë në kohën e të mbjellave.
“Ne nuk kërkojmë gjëra luksoze, ne kërkojmë për të jetuar, kemi mbjellë tokat kemi bërë shpenzime kërkojmë ujin. Këta na kanë gënjyer, ka një muaj që ka kaluar afati. Ne nuk e hapim ketë rrugën me do ta mbajmë derisa të vijë uji këtu. Nuk bëjmë llafe të kota nuk ka ardhur asnjë përfaqësues i Bordit të Kullimit, s’duan t’ja dinë fare”, tha një banor.
“Shushica kërkon ujin, se me këtë kanal eliminohem me mijëra familje dhe me mijëra hektarë tokë. Po s’janë dëmtuar janë në rrugën e dëmtimit. Ne do të vazhdojmë deri sa të vijë kanali deri aty”, u shpreh një protestues.
“Problemin e kemi me kanalin Polis Tudan. Ky kanal është ndërtuar që ne 72 sot 2024 ka 52 vjet që ka funksionuar normalisht. Vitin e kaluar filluan punimet e hidrocentraleve dhe është lidhur një kontratë me Njësinë Administrative të fshatit që do funksionojë normalisht nuk do të ketë probleme nga hidrocentralet. Kontrata e firmosur nga të dyja palët është që ujë do të ketë nga Maj në Shator normalisht me kapacitet 800litra ujë në sekondë. Ky kanal vetëm në Shushicë vadit 500 ha tokë”, deklaroi banori.
Kanali është bllokuar prej punimeve të një hidrocentrali. Përfaqësuesit e kompanisë i kanë kaluar topin e përgjegjësisë Bordit të Kullimit./ Euronews Albania
