Italia ka barazuar 0-0 në miqësoren e luajtur ndaj Turqisë, në Bologna. Në pjesën e parë pati një dominim të lehtë në mbajtjen e topin nga skuadra “Axurre”, por pa rezultat.
Në pjesën e dytë, turqit provuan të rrezikonin portën kundërshtare dhe ia dolën disa herë të “kërcënonin” seriozisht.
Trajneri i italianëve, Spalleti bëri disa ndryshime në këtë ndeshje, duke i dhënë mundësinë të luajnë disa lojtare që nuk kanë patur shumë mundësi të tregojnë veten.
Gjatë pjesës së dytë të ndeshjes miqësore kundër Turqisë, Lorenzo Pellegrini ishte i detyruar të largohej nga fusha për shkak të një problemi fizik.
Pas një përplasjeje me një kundërshtar, kapiteni i Romës ndjeu dhimbje në gjurin e djathtë dhe pavarësisht se tentoi të qëndronte në fushë, trajneri i të kaltërve, Spalletti, preferoi të mos rrezikonte dhe e zëvendësoi me Frattesin.
Ky ishte testi i parë miqësor për Italinë (ndeshja tjetër është me Bosnjën), përpara ndeshjes së parë të Europianit, atë ndaj Shqipërisë.
