Trajneri i Shqipërisë, Sylvinho ka mbajtur një konferencë për shtyp në prag të miqësores që do luhet të hënën ndaj Liechtenstein.
Ai u shpreh se Kombëtarja po merr pjesë në një turne të shpejtë, dinamik, ndërsa shtoi se çdo lojtar do të bëjë diferencën në fushën e lojës në “Euro 2024”.
Për sa i përket miqësores së ditë së nesërme, tekniku brazilian u shpreh se grupi i futbollistëve do të jetë i plotë.
“Këtu është një atmosferë e mirë. E kemi ndjerë publikun afër nesh. Kemi gati Seferin që luajti ndeshje së fundmi me datën 21, iu bashkua grupit në Austri. Po përgatitemi sa më mirë për Euro 2024, për finalet. Ajo që nuk mungon është karikimi dhe motivim.
Historia e turnet dihet, është turne dinamik. Ne po shkojmë në këtë drejtim. Ne kemi lojtarë që vijnë nga situata të ndryshme. Rëndësi ka për stafin teknik që të menaxhojë grupin. Unë mendoj që sa i takon formës fizike, situata është e mirë, ata mund të përballojnë Europianin. Gjith grupi ka karikimin e duhur. Euro 2024 është turne i rëndësishëm.
Sylvinho shtoi se pjesëmarrja në “Euro 2024” është fantastike dhe ka falenderuar shqiptarët për kontributin.
“Unë falenderoj të gjithë njerëzit për kontributin që kanë dhënë për Shqipërinë. Pjesëmarrja në këtë europian është fantastike. Unë kam marrë pjesë dhe në botëror dhe ishte një eksperiencë gjigante”.
Më tej, ai tha se në ndeshje do provojë disa lojtarë të rinj me qëllim që t’i aktivizojë.
“Një pyetje e komplikuar. Ne po përgatisim lojtarët, ekipin në mënyrë që të gjithë të japin kontributin e tyre të gjithë. Ne do provojmë disa lojtarë të rinj me qëllim që t’i aktivizojmë”.
Lista- Ka listë pritje-je sepse ne punojmë shumë për këtë situatë. Nuk mund t’i themi emrat që janë aty.
Në një turne të tillë si Europiani 1 minutë mund të bëjë diferencën. Në çdo moment mund të ndryshohet situata, çdo futbollist mund të bëjë diferencën. Lojtarët që nuk e kuptojnë këtë situatë i bie që të mos jenë në gjendje të zbresin në fushën e lojës.
Debatet- Lista? Nuk kam kohë të shoh se çfarë thuhet në publik. Kam shumë ngarkesë dhe punë për të bërë. Nuk arrij të jem në gjendje të ndjek debatet që bëhen. Secili ka mendimin e vet për listën.
Miqësorja ndaj Liechtenstein – Nesër, me shumë mundësi do e kemi grupin të plotë. Ka lojtarë që kanë ardhur nga shumë ndeshje. Nuk po them që janë të lodhur, por duhet t’i menaxhojmë mirë. Si edhe ata që nuk kanë luajtur shumë. Duhet të përgatitim të gjithë lojtarët, të gjithë, dhe të aktivizojmë më pas më të mirët. Gjithë grupi ka karikimin e duhur.
