Argita Malltezi ka vizituar në spital avokatin Sokol Mëngjesi, i cili sot ra pre e një sulmi të dhunshëm nga persona të paidentifikuar në zonën e ish-bllokut në Tiranë.
Vajza e ish-kryeministrit Sali Berishës u pa në ambientet e Spitalit të Traunës pak pasi Sokol Mëngjesi u transportua me urgjencë për të marrë mjekim dhe për të kryer egzaminimet e nevojshme.
Sokol Mëngjesi, avokat e kryetarit të PD, Sali Berisha, u godit sot nga tre persona me doreza dhe sende të forta. Ai është goditur në zonën e Bllokut në Tiranë ndërsa është dërguar me urgjencë në spital.
Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve.
- Çfarë ndodhi mëngjesin e sotëm në ish-Bllok?
Një ngjarje e dhunshme ndodhi mëngjesin e sotëm në ish-Bllok, ku avokati Sokol Mëngjesi u qëllua me grushte dhe leva nga persona të paidentifikuar.
Autorët e kanë gjurmuar avokatin kur ka dalë nga banesa e tij në zonën e ish-Bllokut dhe i kanë zënë pritë. Incidenti ndodhi rreth orës 08:30 në kopshtin 31. Autorët, që paraprakisht dyshohet se ishin tre, e qëlluan 34-vjeçarin me dorezë metalike në kokë. Avokati u dërgua me urgjencë në Spitalin e Traumës.
Nuk dihen ende rrethanat e ngjarjes, ndërsa policia ka nisur kërkimet për identifikimin dhe më pas kapjen e autorëve.
