Profesori i kriminalistikës Ervin Karamuço ka treguar në “Top Story” se gjendja e avokatit Sokol Mëngjesi është e rëndë.
Karamuço tha se autorët e goditën fillimisht, më pas avokati u rrëzua dhe humbi ndjenjat, dhe ata vazhduan ta godisnin sërish me sende shumë të forta.
“Është në orë kritike për jetën, një natë e vështirë që shpresoj t’ja hedhim. Është në koma i intubuar, mjekët shpresojnë që ta mundi të keqen. Ka qenë në gjendje të flasë, pastaj ka pasur irritim dhe në mesditë gjendja është rënduar.
Kam parë videon e ngjarjes, nuk debaton fare, e godasin dy tre herë, tenton të futet në pragun e kopshtit, humb ekuilibrin dhe bie, ishte goditje e fortë.
Sendet me të cilat është goditur ishin të forta, ka humb ndjenjat dhe ata kanë vazhduar ta godasin sërish. Asnjë prej kalimtarëve, ishin të frikësuar, vrapuan dhe u larguan”-u shpreh profesori i kriminalistikës, Ervin Karamuço.
