Në seancën e sotme plenare po diskutohet projekt-rezoluta anti-korrupsion, e propozuar nga mazhoranca socialiste, e cila udhëheq prej 11 vitesh Qeverinë, “e mbytur në akuzat për korruosion dhe me shumë prej njerëzve kryesor të saj në dyert e drejtësisë.
“Flamurin” në Kuvend për të folur kundër korrupsionit e ka marrë edhe deputeti socialist, Damian Gjiknuri. Ky i fundit është një prej më shumë të akuzuarve me fakte nga opozita për korrupsion, skema klienteliste, vjedhje të fondeve publike, krime zgjedhore etj.
Këtu vlen të përmdenet tenderat e rrugëve, kur ai drejtonte Ministrinë e Infrastrukturës dhe Energjitikës, akuzat për inceneratorët, i dalë në përgjime për krimet zgjedhore në Dibër në vitin 2017, teksa së fundmi emri i tij po lakohet edhe për dosjen “McGonigal”.
Nga foltorja e Kuvendit, Damian Gjiknuri ka thënë sot se korrupsioni është ves i natyrës njerëzore, teksa ka bërë apel që të mos infektohet e ardhmja e shqiptarëve.
“Lufta ndaj korrupsionit është sfidë. Korrupsioni është ves i natyrës njerëzore, por nuk duhet të infektojë të ardhmen e shqiptarëve”, tha Gjiknuri.
