Argita Malltezi, vajza e kreut të Partisë Demokratike Sali Berisha ka paralajmëruar se do të futet në politikë, nëse e shikon të nevojshme, duke e lënë mundësinë e hapur.
Gjatë konferencës së sotme me gazetarët, e pyetur nga gazetarët për përfshirjen në politikë, Argita Malltezi tha se nëse është e nevojshme, për padrejtësitë që po i bëhen, do e përshkallëzojë formën, duke marrë vendime të tjera drejt politikës.
Pyetje: Është një pyetje që ju është bërë në vijimësi por meqë ka zhvillime, përgjigja juaj mund të ketë ndryshuar. Flas për deklaratës nëse jeni e gatshme të kandidoni për pozicion në PD nëse është e nevojshme. A po ju nxit procesi ndaj Berishës për të hyrë në politikë.
Argita Malltezi: Unë shpresoj që e gjithë situata në vend të bjerë në hullitë e ligjshmërisë dhe proceset të ndjekin rrugën e tyre ligjore, përfshirë edhe ato politike që kanë shinat e tyre të ligjshmërisë. Sigurisht që do të qëndroj nëse mendoj që është një padrejtësi ndaj të cilës duhet qëndruar. Aktualisht në qëndrojmë në këtë formë që po e bëj sot, por mund ta përshkallëzoj duke marrë vendime të tjera drejt politikës.
