Koordinatori i lëvizjes politike “Shqipëria Bëhet” Adriatik Lapaj ka komentuar aksionin e fundit të SPAK, për goditjen e grupeve kriminaleve, ku tha se është një hap shumë i rëndësishëm për të prerë lidhjet e politikës me krimin.
I ftuar në News 24, Lapak u shpreh këto lidhjet e politikës me krimin, apo lidhjet e zyrtarëve të policisë të lidhur me krimin, duhet të trajtohen si tradhti kombëtare dhe të dënohen minimalisht 25 vjet burg.
“Këta koka të grupeve kriminale janë zgjatime të politikës, të cilëve politika u kërkon vota, ndërsa vendosin totalisht nën ndikimin e tyre zonat ku banojnë. Këto sillen si çifligarë. Kjo goditje e SPAK është një dritë në fund të tunelit, një apel që iu drejtohet qytetarëve për tu bashkuar, për të mbështetur edhe SPAK, në goditjen që po bën.
Ato policët që i blenë edhe vetë këpucët e tyre, tradhëtohen nga ata shefat që i gjehen 3 mln euro pasuri.
Qytetarët nuk duhet të rrijnë pasiv. Këtu na ka dalë politika e lidhur me krimin, krimi i lidhur me policinë, pra e keqja është politika. Qytetarët përmes votës duhet të ndryshojnë politikën”, tha Lapaj.
