Një aksident automobilistik është regjistruar këtë të enjte në aksin rrugon Lezhë-Milot, rreth orës 10:00 të paradites.
Nga informacionet paraprake mësohet se një furgon i Ministrisë së Shëndetësisë ka dalë nga rruga dhe për pasojë ka humbur jetën drejtuesi i mjetit. Viktima është shtetasi Ardian Stafa, rreth 50 vjeç, i cili dyshohet se ka humbur jetën, pasi ka pësuar arrest kardiak.
Bashkë me viktimën, në furgon ndodheshin 5 persona, të gjithë personel i Ministrisë së Shëndetësisë, të cilët po udhëtonin drejt Shkodrës.
Ndërkohë, pasagjerët që ndodheshin në furgon ndodhen në gjendje të mirë shëndetësore.
Policia dhe grupi hetimor ndodhen në vendin e ngjarjes dhe po punojnë për zbardhjen e plotë të rrethanave të aksidentit.
