Janë publikuar pamjet e kokainës së sekuestruar në portin e Pireut në Greqi, e cila kishte si destinacion Shqipërinë. Siç shihet edhe në foton e mësipërme, pakot e kokainës kanë të stampuar një kafkë, me mjekër dhe me flokë të dendur.
Kokaina kishte mbërritur në portin e Pierut me anë të një konteineri me karkaleca të ngrirë të ardhur nga Amerika e Jugut, kryesisht Kolumbia. Autoritetet besojnë se droga më pas do të shpërndahej në Evropën Qendrore dhe Veriore.
Autoritetet greke arrestuan katër persona, tre prej të cilëve shqiptarë, teksa po punohet për kapjen e personave të tjerë të përfshirë në këtë veprimtari kriminale. Në pranga janë vënë shtetasit Jasona (Andrea) Mërkuri, 54-vjeç, Marsel Stafaj, 36-vjeç, një shqiptar tjetër, si dhe greku Ioannis Biglakis 64 vjec.
Mediat fqinje raportojnë se ka qenë DEA amerikane ajo që kishte njoftuar autoritetet greke për sasinë kokainës në kontejner.
