Policia e Bulzisës ka arrestuar administratorin e kompanisë së subjektit minerar, në lidhje me aksidentin e rëndë të regjistruar ditën e djeshme në minierën e kromit në fshatin Thekë të Martnaeshit.
Autoritetet policore bëjnë me dije se në pranga është vënë Gentian Peshku, 38 vjeç, banues në Bulqizë, me detyra administrator dhe brigadier në subjektin minerar. Mbi të rëndon akuza për veprën penale “Shkelja e rregullave të mbrojtjes në punë”.
Sipas Policisë, nga hetimet ka rezultuar se për shkak të shkeljes së rregullave të mbrojtjes në punë, brenda galërisë së kromit është shembur një masiv gurësh duke i zënë poshtë dy minatorët, Armond Peshku, 29 vjeç dhe Hajdar Bala 40 vjeç, të dy vagonistë në këtë galeri.
Si pasojë e aksidentit, 29-vjeçari nuk arritit dot t’u mbijetonte plagëve të marra duke ndërruar jetë në vend, ndërsa 40-vjeçari mbeti i plagosuir rëndë dhe u transportua me helikopter drejt spitalit të Traumës në Tiranë.
Hajdar Bala vijon të jetë në kujdesin e mjekëve.
Materialet procedurale i kaluan Prokurorisë së Dibrës për veprime të mëtejshme.
