Ekspertja e e ekonomisë Zana Guxholli, ka deklaruar se problemet në tregun e punës, nuk i zgjidhin 40 mijë punëtorët nga Filipina, pasi këta të fundit e shohin Shqipërinë si një vend trampolinë për në Europë.
E ftuar në News 24, Guxholli tha se Qeveria duhet të marrë masa që të mos kemi këtë hemorragji nga Shqipëria, pasi po largohen të rinjtë, profesionistë dhe punëtorë të pakualifikuar.
“Nuk është zgjidhje ardhja e punëtorëve të huaj, pasi më shumë ata e shikojnë Shqipërinë si një vend trampolinë për tu larguar”, tha Guxholli.
Ajo u shpreh se në Shqipëri duhet të krijohen politika që shqiptarët të punojnë këtu dhe të mos largohen për një të ardhur më shumë.
“Të rriten pagat, të krijohen kushtet, mbështetja, në mënyrë që studentët mos mendojnë të largohen sapo mbarojnë shkollën, por të punojnë këtu”, tha Guxholli.
