Policia ka vendosur në pranga tre persona gjatë një operacioni antidrogë në Fier.
Uniformat blu kanë arrestuar një 28-vjeçar që po transportonte drogë me qëllim shitjen dhe dy blerësit.
“Në aksin rrugor “Levan-Qarr”, në automjetin që drejtonte 28-vjeçari, u gjetën 1.2 kg lëndë narkotike cannabis sativa, e cila nga hetimet rezultoi se do t’i shitej shtetasve A. Gj. dhe B. R.”, informoi policia.
Si rezultat i operacionit u vunë në pranga 28 vjeçari me iniciale K. K., banues në Memaliaj dhe dy blerësit me iniciale A. Gj., 56 vjeç dhe B. R., 27 vjeç, të dy banues në Fier.
Gjatë kontrolleve në banesat e të arrestuarve, në shtëpinë e 56-vjeçarit, u gjetën 179 doza cannabisi.
