Një burrë alkoolik, dominues dhe xheloz, i cili tentoi të godiste me thikë gruan e tij në sy të vajzës së tyre të vogël, do qëndrojë në qeli për vite me rradhë.
Petrit Zefi, 44 vjeç, u shpall fajtor për një akuzë për tentativë vrasje gjatë një gjyqi dy-ditor javën e kaluar. Ai u dënua me 15 vite burg, pa pasur të drejtën e lirimit me kusht përpara se të ketë kryer 2/3 e dënimit.
Duke u paraqitur sot (e premte, 17 maj) para Gjykatës së Kurorës Truro për dënimin, gjyqtari Robert Linford i tha shtetasit shqiptar se nuk kishte dyshim se po të mos ishte ndërhyrja e vajzës së tij dhe shoqes së saj ai do të vriste gruan e tij Natalie gjatë sulmit, më 11 nëntor të vitit të kaluar.
Duke e dënuar Zefin me 15 vjet burg, gjyqtari Linford tha: “ti ishe ngopur me alkool. Dhe me pranimin tënd kishe marrë kokainë. Ajo që ndodhi ishte spontane. Vajza jote ju pa të kalonit pranë dhomës së saj dhe hyni në kuzhinë dy herë, ju zgjodhët një thikë dhe shkove në dhomën ku ishte gruaja jote”.
Gjatë gjyqit u dëgjua se Zefi, i cili për herë të parë hyri ilegalisht në Britaninë e Madhe në vitin 2000 në anën e pasme të një kamioni nga Franca përpara se të shkonte në zonën e Birminghamit, ishte një njeri aq kontrollues saqë ia ndaloi Natalisë, nënës së katër fëmijëve të tyre, të ketë telefonin e saj ose të shkojë kudo vetë. Zefi kontrollonte gjithashtu çdo para që merrte nga përfitimet shtetërore dhe një biznes i vogël rinovimi mobiljesh që ata drejtonin së bashku.
Gjykatës iu tha se më 11 nëntor të vitit të kaluar, ndërsa qëndronte në shtëpinë e mikes së familjes Katie Cook në Neëquay , Zefi mbylli derën e dhomës ku ndodheshin Katie dhe vajza e tij Hanna, përpara se të shkonte në dhomën e gjumit ku Natalie dhe më e vogla e tyre, vajza Lola, ishin.
Zefi hyri në dhomë, mbylli derën pas tij, pasi kishte marrë më parë një thikë shumë të mprehtë nga kuzhina, më pas u hodh mbi gruan e tij ndërsa ajo u ul në shtrat me vajzën e tyre gjashtëvjeçare. Ai goditi gruan e tij një herë në majë të kokës, gjë që bëri që maja e thikës t’i këputej dhe t’i futej në kafkën e saj, më pas e goditi përsëri me thikë në majë të kokës. Më pas Natalie ngriti krahun në vetëmbrojtje dhe Zefi e goditi me thikë në kyçin e majtë.
Ndërsa Natalie bërtiste, Hanna hyri dhe me Ketin, ata u përpoqën të tërhiqnin Zefin nga gruaja e tij dhe ta çarmatosnin. Zefi hodhi thikën dhe u largua nga prona duke bërtitur ‘ajo po më mashtron’ dhe më pas u arrestua nga policia jashtë një lokali aty pranë.
Gjyqtari Linford i tha Zefit se nuk kishte asnjë dyshim se Natalie ia detyronte jetën e saj ndërhyrjes të guximshme të vajzës së tyre Hanna dhe asaj të Ketit që arriti ta çarmatoste.
Ramsay Quaife, duke e mbrojtur, tha se kishte disa elemente zbutës në favor të Zefit, pasi nuk ishte një sulm i paramenduar, por një akt spontan dhe se ai vuante nga një çrregullim mendor.
