Avokati Arben Llangozi ka komentuar deklaratat e djeshme të zëvendëskryeministres Belinda Balluku pasi doli nga SPAK ku ishte thirrur në lidhje me aferën korruptive të inceneratorit të Tiranës.
Sipas avokatit, Balluku ishte e lumtur ditën e djeshme dhe nga sa u kuptua ajo do ndëshkoi për inceneratorin e Tiranës, por nëse bëhet fjalë për Erion Veliajn apo për persona të tjerë kjo ngelet për tu parë në vijim nga hetimet e SPAK.
Gjithashtu avokati paralajmëroi se edhe Belinda Balluku do ta dënojë partia e saj njëlloj si gjyshi i vetë në kohën e diktaturës.
“M’u duk ditën e djeshmë që ishte e lumtuar dhe vajti dhe deklaroi në SPAK dhe dorëzoi dokumentacione dhe se kë do ndëshkonte, këtë nuk e dimë. Me ato sa u kuptua do ndëshkoi për inceneratorin e Tiranës, por nëse bëhet fjalë për Erion Veliajn apo për persona të tjerë kjo ngelet për tu parë në vijim nga hetimet e SPAK, por që ishte kundër inceneratorit të Tiranës apo mënyrës se si është proceduar kjo është e padiskutueshme për ato materiale që ajo dorëzoi. Se sa e implikuar është ajo në aferat e tjera kjo është e padiskutueshme që Belinda Balluku do të bëhet ‘kokë turku’ si të gjithë personat e tjerë që kanë qënë mbrapa Edi Ramës.
Unë mendoj se të gjithë këta zyrtarë janë duke dhënë llogari për aferën rreth 13 vjeçare që kanë bërë me taksat e shqitparëve dhe një prej atyre personave që është duke dhënë llogari është padyshim Erion Veliaj dhe do i vijë radha edhe zonjës Balluku sepse në dijeninë time zonja Balluku ka dy procedime dhe mendoj se edhe atë partia do ta dënojë njëlloj si gjyshi i vetë në kohë. Edhe zonja Balluku është e përfshirë në disa afera korruptive që së shpejti do të jetë edhe ajo objekt hetimi dhe objekt publikimi nëpër media.
Gjithashtu avokati Llangozi denoncoi Belinda Ballukun se e motra e saj, Pamela Qirko ka emëruar prokurorët që morën dje në pyetje zëvendëskryeministren dhe çfarë mund të presësh nga kjo drejtësi”, tha avokati Llangozi për Syri tv.
