Nënkryetari i PD-së, Oerd Bylykbashi është prononcuar për mediat pas mbledhjes së Grupit të Dialogut, ku në fokus ishte reforma zgjedhore, teksa i pranishëm në mbledhje ishte edhe kreu i KQZ-së, Ilirjan Celibashi.
Bylykbashi e konsideroi takimin si të frytshëm, teksa sipas tij, KQZ ishte shumë më para se mazhoranca. Ai tha se ndër tjera u fol edhe për votën e diasporës, dhe ajo që kërkohet është thjeshtimi i procesit për emigrantët, në mënyrë që të mos jenë vetëm 18 mijë shqiptarë që të kenë të drejtë e votës, të cilët janë regjistruar, por 1 milion e 800 mijë.
Bylykbashi shtoi tha se u diskutua edhe për mënyrën se si mund të realizohet, ku janë të dyja opsionet e mundshme, si elektronike, po ashtu edhe me postë.
“Takimi ishte i frytshëm u diskutuan problematika të rëndësishme. Sa për votën e diasporës, ishte me rëndësi përgjigjet e komisionerit, i cili dha një seri përgjigjes, që shkojnë në linjë me atë që kërkon opozita. Thjeshtimin e regjistrimit të zgjedhësve që jetojnë jashtë vendit, në mënyrë të që të kenë mundësi më shumë se 18 mijë shqiptarë që janë regjistruar nga ministria.
Ne kërkuam fillimisht shpjegimet dhe KQZ u tregua i gatshëm. Ajo që është me rëndësi është se KQZ ishte shumë më para se mazhoranca. Dua të them se Edi Rama i ka hequr mundësi zgjedhësve për të zgjedhur atë që duan. Nëse PS mendon se në këtë dialog ka hyrë për të diskutuar vetëm për çështje që duan, e kanë të gabuar. Një reformë zgjedhore teknike nuk quhet reformë nëse nuk zgjidh probleme të mëdha teknike
Sot sipas Ministrisë së Brendshme kanë të drejtë vote jashtë Shqipërisë rreth 18 mijë persona, nga ndoshta 1 milion e 800 shtetas me të drejtë vote. Nëse i referohemi Kushtetueses janë 1.2 milion zgjedhësh që e kanë këtë të drejtë. 18 mijë personat janë individë, që kanë prirje të votojnë PS-në.
Neve diskutuam opsione te ndryshe, ajo që deri me sot ka ecur është sistemi i votës me poste, po ligji aktual e lejon edhe votimin elektronik.
Estonia për shembull e ka sistemin e votimit tërësisht elektronik dhe e kanë sistemin shumë të mbrojtur, mbetet për t’u parë sesa efektiv mund të jetë mekanizmi. Të zhduket filtri i votës së diasporës. Diskutuam edhe mundësinë e votimit me poste, ku kërkesa jonë është që nëse aplikohet kjo të jetë një mekanizëm i besuseshëm, nërpmjet një poste ndërkombëtare, të cilët mund të garantojë që fletët e votimit të vijnë në KQZ pa kaluar nga posta shtetërore.
E rëndësishme është që procesi ty jetë i hapur pëe të gjithë ata që janë jashtë vendit, pa filtër. Më pas e ushtron apo jo të drejtën e votës, të mbetet në dorën e tyre.” – tha Bylykbashi.
