Një e moshuar dyshohet se i ka vënë zjarrin banesës së saj në Pogradec.
Ngjarja ka ndodhur pak më parë ndërsa ashtu sikurse raporton policia nga zjarri janë regjistruar dëme të shumta materiale.
Kanë qenë fqinjët në pallat ata që kanë sinjalizuar policinë dhe zjarrfikësen, menjëherë pas ndërhyrjes flakët janë izoluar ndërsa e moshuara sipas policisë ndodhet në gjendje të mirë shëndetësore.
77-vjecarja jeton e vetme në këtë hyrje pallati. Burime nga policia thonë se e moshuara vuan nga probleme të shëndetit mendor. Ndërkohë policia po punon për sqarimin e rrethanave të ngjarjes.
