Deputeti i PS-së, Damian Gjiknuri, në delir, e ka konsideruar e mitingun e kryeministrit Edi Rama në Athinë si më entuziastin, edhe se ato në Shqipëri, ndërkohë që në media kanë dalë provat se aty pjesë më e madhe ishin kryebashkiakët që kishin marrë me urdhër punonjësit e admnisitratës.
Duke folur në A2 CNN, Gjiknuri e pranoi se në sallë kishte të ardhur nga Shqipëria, por sipas tij, ata ishin në pakicë. Ai theksoi se ky ishte një takim i organizuar nga Partia Socialiste dhe deputetët e kryebashkiakët ishin aty për të nxitur bashkatdhetarët.
“Vizita kishte edhe dimensionin kombëtar dhe politik, europian dhe në funksion të objektivave politikë që ka kryeministri Rama. Nuk kam parë takim më entuziast se ai i Athinës më shumë edhe se në takimet që janë bërë në Shqipëri as në përmbylljet e fushatave të zgjedhjeve ishte një lumë energji dhe ndjesi që të bënte krenar gjithçka ishte origjinale, asgjë e orkestruar. Ka pasur edhe qytetarë që kanë ardhur nga Shqipëria, por një pakicë e vogël.
Natyrshëm që ky ishte takim i organizuar nga PS dhe të gjithë njerëzit që lidhen më qarqe. Athina është qyteti i dytë më i madh me shqiptarë, mund të jetojnë mbi 300 mijë shqiptarë. Ky ishte takim i mirëfilltë i PS. Një pjesë e deputetëve dhe bashkiakëve ishin për organizimin, që të nxisnin njerëzit, komunitetet e bashkatdhetarët që mund të jenë edhe votues të PS. Ky ishte qëllimi i mirëfilltë. Çdo tubim politik do organizim, përgatitje. Në kushte të vështira mos të harrojmë që deri ditën e fundit nuk kishim asnjë sallë të garantuar. Është elementi patriotik” – tha Gjiknuri.
Deputeti socialist habiti edhe më shumë me deklaratën e radhës, ku tha se brezi i dytë dhe i tretë në Greqi ka rrezik të asimilohet, të humbasin identitetin kombëtar dhe origjinë, dhe sipas tij, qëllimi i Ramës me këtë takim është që kjo gjë të mos ndodhë.
“Brezi i dytë dhe i tretë në Greqi ka rrezik të asimilohet. Asimilimi është të humbësh origjinën, të zhduket identiteti kombëtar. Mund të jetë një gjë e mirë se s’do të kishim më probleme. Ideja që nëse ne e shohim komuniteti shqiptar aty totalisht të asimiluar dhe mundësisht të mos flasin as shqip dhe këtej do të thoshim shyqyr… Kjo është një pyetje retorike.
Edhe lëvizja e Ramës duhet parë edhe në këtë pikëpamje edhe integrimi me interesat e Shqipërisë, edhe integrimi me interesat e kësaj pjese të Shqipërisë ndikon dhe ky takim e ka çimentuar këtë edhe më shumë. A i arriti të gjitha qëllimet? Nuk po them jo. Ka ardhur koha që politika legale duhet të ulet me palën shqiptare. Mesazhi ishte që të mos na lini të krijojmë ndarje për çështjet e përbashkëta. Lider i fortë është ai që shpërfill edhe presionet e brendshme për të arritur një interes më të lartë kombëtar” – tha Gjiknuri.
