Një shtetase Norvegjeze, 83 vjeçe ka humbur jetën mbrëmjen e sotme sapo ka mbërritur në spitalin e Durrësit.
Policia thotë se rreth orës 20.00 të mbrëmjes e moshuara është dërguar në urgjencën e spitalit, ku dhe humbi jetën.
Mjekët shprehen paraprakisht se vdekja ka ardhur për shkaqe natyrale.
Durrës/Informacion paraprak
Rreth orës 20:00, është dërguar për ndihmë mjekësore në Urgjencën e Spitalit Rajonal Durrës, shtetasja norvegjeze E. T., 83 vjeçe, banuese në Norvegji.
Pavarësisht ndihmës së parë të dhënë nga personeli mjekësor, 83-vjeçarja ka humbur jetën, dyshohet për shkaqe natyrale.
Grupi hetimor, në drejtimin e prokurorit, po punon për sqarimin e rrethanave dhe përcaktimin e shkakut të humbjes së jetës së 83-vjeçares.
