Kreu i Partisë së Lirisë, Ilir Meta ka reaguar në lidhje me rezultatin e zgjedhjeve në Maqedoninë e Veriut, ku ish-partia e Nikola Gruevskit, VMRO DPMNE-ja arriti të fitonte me një rezultat të thellë, duke siguruar 59 mandate.
Për këto zgjedhje Meta e kishte shprehur edhe më parë publikisht mbështetjen për VMRO DPMNE-në, teksa shkruan se që do fitonte dihej por jo kaq thellë, si dhe përgëzon edhe koalicionin me shqiptarët në opozitë “VLEN”.
LEXO EDHE: Meta “zgjedh” si aleat VMRO-n e Gruevskit në Maqedoni të Veriut, u shpreh mbështetje
Në postimin e tij në rrjetet sociale, Meta nuk lë pa thumbuar edhe kryebashkiakun e Tiranës, Erion Veliajn, i cili shpalli qytetar nderi kreun e BDI-së së Ali Ahmetit, disa ditë para zgjedhjeve, ndërkohë që bashkë me LSDM-në që pësoi një disfatë të thellë, do të ikin nga pushtetit.
LEXO EDHE: Opozita fiton zgjedhjet në Maqedoninë e Veriut, shqiptarët sigurojnë 32 mandate
“Faleminderit ish-kryetarit të bashkisë së Tiranës! Pa kontributin tënd ky rezultat fantastik vështirë se do arrihej” – shkruan me ironi Meta për Edi Ramën.
“Që VMRO do fitonte kjo dihej, por jo kaq thellë
Që VLEN-i, vlente edhe kjo dihej, por që vlente kaq shumë…?!
Që internacionalia e Prindit 1 dhe Prindit 2 do të humbiste edhe kjo dihej, por se do dërmohej në këtë përmasa…
Faleminderit ish-kryetarit të bashkisë së Tiranës! Pa kontributin tënd ky rezultat fantastik vështirë se do arrihej”, shprehet Ilir Meta.
https://boldnews.al/2024/05/09/opozita-fiton-zgjedhjet-ne-maqedonine-e-veriut-shqiptaret-sigurojne-32-mandate/
