Pasi këmbëngulte prej kohësh se nga amnistia penale nuk do të përfitonin zyrtarët e korruptuar të dënuar nga Gjykata e Posaçme, ministri i Drejtësisë, Ulsi Manja ka pranuar publikisht sot në Kuvend faktin e kundërt.
Nga foltorja e Kuvendit, Ulsi Manja tha se janë vetëm 8 të dënuar nga GJJKKO që janë liruar nga burgu, teksa përmendi edhe emrat e tyre. Ai theksoi se nuk ka përfituar asnjë zyrtar i lartë.
Gjithashtu, Ulsi Manja e konsideroi këtë amknisti penale si shumë të butë, pasi sipas tij, duhet të përfitonin më shumë të dënuar.
Ulsi Manja: Ju ngatërroni shërbimin e provës me burgun. Dilni këtu dhe më thoni një emër, që ky është simbol i korrupsionit dhe që 116 deputetë majtas dhe djathtas dhanë për këtë ligj për ta liruar. Një gjyqtar, prokuror apo politikan. Dilni dhe më thoni një emër. Kjo interpelancë nuk ka asgjë urgjente por unë jam përgatitur shumë seriozisht në respekt të 116 kolegëve që dhanë votën për këtë amnisti. Por jo për ata që nuk e kanë votuar sepse sado të përpiqem unë të shpjegoj të vërtetën ju vazhdoni të besoni të vërtetën tuaj.
Kjo interpelancë nuk ka asgjë urgjente. Nuk ka asgjë urgjente, është një ligj që u votua në Kuvend. Përmende dy agjenci mediash, por sot flasin institucionet se amnistia zbatohet nga institucionet. Mediat kanë misionin e tyre, por institucionet kanë peshën e zbatimit të ligjit. Pr.ligji dhe qëndrimi politik i qeverisë është pasqyruar në draftin dhe relacionin dhe drafti i depozituar në Kuvend, siç e do respekti ndaj ligjit dhe rregullores është konsultuar me të gjitha organet e drejtësisë. Amnistia është kompetencë e Kuvendit dhe jo Këshillit të Ministrave, aq më pak e ministrit. Ministri mban përgjegjësi për draftin që i dërgon këshillit të ministrave por jo për atë që votohet në Kuvend. Nuk kam mashtruar askënd por kam shprehur publikisht qëndrimin e Shqipërisë për të mos amnistuar asnjë zyrtar të dënuar për korrupsion.
ta që kanë përfituar me ulje dënimi të dënuar nga GJKKO, për veprat penale shkelje e barazisë në tenderë, janë shtetas të zakonshëm ose nëpunës, që do i pasqyroj me emra, janë vetëm 8 dhe asnjë prej tyre nuk është simbol i korrupsionit. Ndryshimet janë diskutuar në komisione, edhe amendamenti i Bardhit ka marrë dakordësinë e ministrisë, janë bërë diskutimet në Komisione dhe 116 deputetë dhanë votën pro kësaj amnistie. Nëse doni mendimin tim si Ulsi Manja, po kjo amnisti në raport me nevojat dhe garantimin e standardeve, kjo amnisti është e butë. Do duhej të ishte më e gjerë se çfarë ishte. Sot që flasim edhe pse është zbatuar, janë 4918 të paraburgosur dhe të dënuar.
Edmond Z. I, se kam idenë çfarë zyrtari ka qenë i janë falur 13 ditë
Marginglen M. I dënuar shkelje të barazisë së tenderave i janë falur 5 muaj
Marvin M, i dënuar 2 vite, i janë falur 9 muaj
Admir B, i janë falur 3 muaj e 25
Eduard. R, është dënuar me 3 vite e 6, i është falur 1 vit burg
Hamza. T, i dënuar me 1 vit, i janë falur 4 muaj
Ubrahim G, i dënuar 8 muaj, i janë falur 26 ditë
Erion.b, i janë falur 14 ditë
Lulzim Ç, është dënuar për ushtrim të ndikimi të paligjshme 1 muaj e 8 ditë
Këto të 8 në 20 përfituesit me ulje dënimi, kanë qenë për një nga veprat që listova. Të tjerët janë dënuar nga GJKKO por kanë përfituar për vepra të tjera.
