Kryeministri Edi Rama gjatë një diskutim në Aache të Gjermanisë, i ka habitur të gjithë me deklaratën, kur tha se të rinjtë shqiptarë janë të preferuar në Europë se janë të bardhë, dhe se kur janë myslimanë përshtaten shpejt.
Më tej, ai tha se gjitha është një betejë për ‘mish të njomë’, teksa theksonte se kontinenti i vjetër po vuan nga demografia dhe se pasojat po i vuajnë vendet që kanë moshë më të re.
“Unë nuk di si të jem diplomatik dhe duhet të them atë që mendoj. Problemi që unë shoh se Europa e vjetër, po vuan nga demografia që është një dënim për të gjithë ata, më pak fëmijë, nevojë për krah punë, një bela e madhe sesi të merren me migracionin. Kështu që është shndërruar në luftë për mish të freskët. Si të marrin të rinj nga ne që të vijnë këtu, sa më shumë të jetë e mundur.
Nuk është koha që shqiptarët apo të tjerët nga BP shiheshin si problem. Ata janë më të preferuarit sepse janë të bardhë, sepse dhe kur janë myslimanë, nuk e kanë shumë të vështirë të përshtaten. Qofshin myslimanë apo krishterë nga BP janë europiane dhe vijnë aty. Si mundet ta ndalojmë këtë.
Përgjigja më e lehtë, duhet të luftoni korrupsionin, të rrisni pagat, më fal po si mund ta bëjmë të gjithë këtë? Si mund tu themi ‘ja ku e ke pagën, më mirë se në Gjermani’. Është thjesht e pamundur”, tha Rama.
