Erzeni, tashmë i rënë zyrtarisht nga Kategoria Superiore pas dy sezonesh qëndrim, ka zgjedhur stadiumin “Arena e Demave” si shtëpinë e fundit në elitën e futbollit shqiptar.
Shijakasit kanë zgjedhur stadiumin e Partizanit për të pritur Teutën në ndeshjen e nesërme në orën 16:00.
Shijakasit nuk kanë asnjë objektiv në këto dy sfida, por kanë preferuar të mos i japin Teutës avantazh në ndeshjen e fundit, duke mos e luajtur sfidën në “Niko Dovana”.
Duhet thënë se shijakasit e mbyllin sezonin me dy ndeshje në “Arenën e Demave”, pasi edhe betejën e fundit do ta luajnë në të njëjtin impiant me të kuqtë si pritës.
Mbetet të shihet nëse Deliallisi do të luajë me titullarët, apo do t’u japë minuta rezervave. Në dy ndeshjet e fundit, Teuta do të kërkojë pikë për t’iu shmangur zonës së “Play-Out” teksa aktualisht numëron 2 pikë më shumë se Laçi i vendit të tetë.
Por pavarësisht renditjes në vendet e fundit, situata nuk është vetëm gri te Teuta pasi sheh edhe nga “Final Four” ku gjendet vetëm 3 pikë larg Dinamos së vendit të katërt.
Klasifikimi:
