Askush nuk e priste që PSG-ja dhe aq me pak Borussia Dortmund do të luftonin për një vend në finalen e madhe të Champions-it gjatë nisjes së edicionit.
Nëse i referohemi numrave, parizienët me ne krye Mbappe do të përpiqen të thyejnë fortesën “Siganl Iduna Park”, teksa nuk kanë fituar dot në asnjë rast.
Janë përballur në total Dortmundi dhe PSGja në 6 precedentë, (përshi edhe dy ndeshje në Europa Ligë, sezonin 2009-2010) ku dominojnë barazimet, tregues se gjithçka është e hapur edhe në planin historik.
Janë gjithsej 3 barazime, ndërsa në 2 takime ka fituar ekipi francezë, kundrejt vetëm një suksesi të Dortmundit. Në strehën e verdhezinjëve, Kilië Mbape me shokë nuk e ka bërë kurrë ligjin në Gjermani, 0 fitore, por që mund të ndryshojë mbrëmjen e sotme.
Kanë kaluar 11 vite nga finalja e fundit që Borusia Dortmund ka arritur, e cila koçidon në etapën 2012-2013. Në atë cikël, drejtoheshin prej Jurgen Klop, ndërsa tani janë me një trajner më të ri dhe me eksperiencë ndjeshëm më të kufizuar, fjala është për Edin Terziç.
Të dyja ekipet vijnë nga një fundjave për t’u harruar, ndonëse me perspektiva të ndryshme në ligat përkatëse. Parisi siguroj në divan titullin kampion në Francë, por u ndëshkua me 3 gola nga ekipi që është promovuar këtë vit në Ligë 1 (PSG-Le Havre 3- 3).
Dortmundi nga krahu tjetër mori goditje të fortë ndaj Lajpcig. Të dyja ekipet luftojnë për zonën Champions, megjithatë “demat” fituan bindshëm me rezultatin 4-1. Tashmë Championsi i ka mbetur e vetmja rrugë për t’u prezantuar edhe edicionin e ardhshëm.
