Aleanca për Mbrojtjen e Teatrit dhe opozita mbajtën këtë të martë protestën e radhës para Bashkisë së Tiranës ku kërkojnë dorëheqjen e kryebashkiakut Erion Veliaj pas aferës korruptive “5D”.
Protesta ishte planifikuar të mbahej në të njëjtën kohë me mbledhjen e Këshillit Bashkiak, por Veliaj dhe të tijët, në një vendim antikushtetues, për shkak të frikës nga protestuesit e mbajtën online.
Sërish edhe sot pati përplasje mes Policisë dhe protestuesve, ku ndaj qyetarëve u përdor edhe dhunë edhe gaz lotsjellës. Përveç gardhit metalik, efektivët ishin bërë disa rreshta gardh rreth Bashkisë, teksa dyerve të godinës u kishin vënë zinxhirin dhe drynin.
Kanë qenë me qindra policë në mbrojtje të korrupsionit të Erion Veliajt, ku shihet dhe nga autokolona me furgonë pas protestës kur largohen, terksa nuk mungon dhe autoboti me ujë.
