Dy shtetas shqiptarë vëllezër, janë arrestuar nga Policia në Itali pasi akuzohen për dhunë dhe kanosje.
Në pranga kanë rënë Simon dhe Dritan Vallja, 39 dhe 35 vjeç, pasi kanë dhunuar një bashkëatdhetar 40 vjeçar.
Sipas mediave vendase ngjarja ka ndodhur në qendër të qytetit Campofelice di Roccella, ndërsa shkak për sherrin dyshohet të jetë bërë disa mosmarrëveshje mes palëve.
Raportohet se dy vëllezërit pak orë pas sherrit i kanë gjetur edhe shtëpinë shqiptarit, kanë thyer derën dhe kanë hyrë brenda. Më pas, e kanë sulmuar në sy të gruas së tij dhe djalit të tyre të mitur.
