Kryetari i PD-së së vulës, Lulzim Basha ka deklaruar se protesta te Bashkia e Tiranës kundër kryebashkiakut Veliaj po bëhet për interesa të brendshme politike.
I ftuar në emisionin ‘Frontline Interview’, Basha, i cili prej gati 3 vitesh s’ka organizuar një protestë vetë pasi dukshëm nuk ka mbështetës, ka sulmuar protestat e thirrura nga opozita, duke thënë që janë të dirigjuara nga Rama.
‘Nuk është keq të protestohet, aq më shumë në gjendjen ku ndodhet vendi. Nuk ndihem mirë që një protestë në veçanti kur skandalet në bashki kanë marrë dhënë të ketë dimensione modeste. Opozita duhet të reflektojë për nevojën për të rritur besueshmërinë dhe të drejtohet për inertes të qytetarëve. Nuk mund të them asgjë përveçse përgëzime për ata që dalin e të protestojnë, por janë shumë pak protestues.
Kryesore është që qytetarët të gjejnë veten e tyre në këto kauza dhe mos të përdoren për axhendë të brendshme të vetë opozitës. Këto protesta në vend që të orientohen nga interesi qytetar janë orientuar nga axhenda të brendshme politike. Në momentin që fokusojmë energjitë te keq qeverisja Edi Ramës, që është dirigjent i këtyre protestave.’- tha Basha.
