Një ngjarje e rëndë raportohet të ketë ndodhur në Greqi në zonën detare të Karlovasos Samos.
Një varkë e cila ishte duke transportuar 26 emigrantë është fundosur, dhe si pasojë një person ka humbur jetën.
Mediat vendase shkruajnë se varka u pikas nga rojet bregdetare, te cilët kanë arritur të shpëtojnë 25 emigrantët e tjerë. Këta të fundit ndodhen në gjendje të mirë shëndetësore dhe janë dërguar në portin Vatheos.
Autoritetet kanë nisur hetimet për zbardhjen e plotë të ngjarjes.
