Policia e Tiranës ka arrestuar një shtetas nga Shkodra, pasi është kapur duke qarkulluar me automjet me armë zjarri pistoletë me vete.
Në kuadër të operacionit policor të koduar “Van” është vënë në pranga shtetasi Blerim Gjeta, 43-vjeç, banues në Shkodër, i dënuar më parë për vepra penale kundër jetës dhe personit, që qarkullonte me automjet i armatosur.
Uniformat blu kanë sekuestruar në cilësinë e provës materiale armën e zjarrit pistoletë, me krëhër e municion luftarak, që 43-vjeçari posedonte.
Materialet i kaluan Prokurorisë së Tiranës për veprime të mëtejshme procedurale.
