Regjisori Edmond Budina, ka marrë fjalën në protestën që po mbahet këtë të premte te Bashkia e Tiranës, për dorëheqjen e Veliajt.
Budina ka bërë thirrje për mosbindje civile teksa u shpreh se duhet që të mbyllen rrugët derisa këta qeveritarë të rrëzohen.
Budina: “Shikojeni të dashur miq, këtu përballë ne kemi folenë e grenzave, folenë e mafiozëve, e hajdutëve që na vjedhin paratë tona prandaj ne jemi këtu për t’u treguar që e kemi me folenë e tyre të grenxave, me folenë. I keni parë dhe të gjithë jeni dëshmitarë sesi dhe opinioni publik botëror po i nxjerr lakrat, po i nxjerr llumin këtij shteti mafioz, të lidhur me bandat, prandaj ne qytetarë duhet të revoltohemi dhe nuk ka gjë që na ndal derisa ta largojmë këtë bandë mafioze, këtë bandë kriminelësh dhe nuk ka opinion ambasadash që të na pengojë. Jemi ne që e vuajmë në kurriz. Nuk janë ata që që e vuajnë në kurriz atë ç’ka heqim prej mafiozëve shqiptarë.”
Të mbyllen rrugët dhe të mbyllen dyqanet derisa këta të shporren, të ketë mosbindje civile derisa të largohen. Ne do përballemi siç jemi përballur në të gjithë këta vite. Kam thirrje edhe për vëllezërit tanë të policisë. Mos reagoni kundrejt qytetarëve, por mbroni të drejtën tuaj.
Shikoni çfarë rroge keni ju, e çfarë rroge kanë ata. Luftoni bashkë me ne, që të shporrim mafiozët nga pushteti. Protesta jonë të bëhet kombëtare, derisa të rrëzojmë këtë dhe të rrëzojmë edhe regjimin te Kryeministria. Te Teatri Kombëtar na tërhoqën zvarrë për të ndërtuar kulla atje, që të fitojnë disa kulla për disa kriminelë.
