Një 20-vjeçar shqiptar është dënuar me burg nga autoritetet në Angli pasi është kapur duke punuar në një fermë kanabisi.
Bëhet fjalë për shtetasin Orgit Arapi, i cili sipas mediave vendase kujdesej për rreth 400 bimë kanabis në zonën e njohur si Preston.
Arapi, i cili pranoi se kishte hyrë ilegalisht në Mbretërinë e Bashkuar nëpërmjet Republikës së Irlandës, ka deklaruar përmes avokatëve se është mashtruar nga tre shtetas të huaj të cilët i ofruan ta paguanin për t’u kujdesur për një shtëpi pranë Preston.
Ai pretendoi se i ishte premtuar pagesa në fund të punës, por nuk mori asgjë tjetër përveç ushqimit për më shumë se një muaj në pronë.
“Nuk më kanë paguar asnjë para, vetëm më kanë dhënë ushqim,” tha ai.
Por pavarësisht pretendimeve të palës mbrojtëse, ai është dënuar me 2.5 vite burg.
