Partia e Lirisë do të mbajë konventën e saj në 27 prill, ku pritet të miratohet dokumenti i ‘5 prioriteteve’, statuti, por edhe struktura drejtuese, përfshi Presidentin dhe zv.Presidentin e kësaj partie.
Mësohet se në garën për President të Partisë së Lirisë, Ilir Meta nuk do të jetë i vetëm. Ish drejtori i policisë së Kamzës dhe njëherazi anëtar i Kryesisë së PL, Faik Basha, do të jetë rivali i tij.
Kandidimi i Bashës, u njoftua zyrtarisht këtë të mërkurë. Në një postim në rrjetet sociale, Basha shkruan se ka vendosur të kandidojë për President i Partisë së Lirisë, në Konventën Kombëtare të datës 27.04.2024.
Postimi:
Faik Nezir Basha mban aktualisht funksionet si anëtar i Kryesisë së Partisë së Lirisë. Ka përfunduar studimet e larta në vitin 2009, pranë Universitetit Ushtarak “Skenderbej”.
Për 6 vite (2009-2015) ka kryer detyra të ndryshme në radhët e Forcave të Armatosura të Shqipërisë, duke mbajtur disa detyra të larta si specialist i Mjeteve të Transportit, Tankeve dhe TRBL, shef i Zyrës së Informacionit në Brigadën Logjistike dhe Komandant i Kompanisë së Ruajtjes dhe Sigurisë në Batalionin e Xhenios.
Në viti 2020 iu bashkua “Lëvizjes Socialiste për Integrim”, sot Partia e Lirisë. Në zgjedhjet parlamentare të vitit 2021, ishte kandidat për deputet në qarkun e Tiranës dhe në zgjedhjet për organet e qeverisjes vendore më 14 Maj 2023, u zgjodh këshilltar i Partisë së Lirisë, në Këshillin Bashkiak Kamzë.
