Meteorologu Hakil Osmani tregon se si do të jetë moti gjatë javës.
Osmani theksoi se dita e sotme do të jetë në mbizotërimin e motit të qëndrueshëm, por pasditja do të shoqërohet me kthjellime.
“Dita e sotme do të jetë në mbizotërimin e motit të qëndrueshëm duke bërë që paraditja të jetë me alternime kthjellimesh të shpeshta, pjesa e dytë e ditës t’i bëjë vranësirat më të dukshme në vendin tonë”-tha Hakil Osmani në Euronews Albania.
“Duke filluar nga dita e martë e të paktën deri në fundjavë të kemi mot të paqëndrueshëm. Pritet që dhe të mërkurën të ketë reshje shiu. Ndërkohë të enjten dhe të premten reshjet do të jenë më të pakta. Temperaturat e ajrit do të rriten mesditën e sotme”-përfundoi ai.
