Një sasi prej 10 kg kanabis është sekuestruar nga autoritetet në Kretë, ndërsa në pranga kanë rënë një shtetas grek dhe një 40-vjeçare shqiptare.
Mediat vendase shkruajnë se policia e ka zbuluar rastësisht drogën. Forcat policore kanë shkuar për të ndarë konfliktin mes dy personave, kur kanë pikasur shqiptaren dhe grekun me veprime të dyshimta.
Gjatë kontrollit 52-vjeçarit grek dhe 40-vjeçares shqiptare iu gjetën dhe sekuestruan 10 kilogramë kanabis. Ndërsa gjatë kontrollit në shtëpi dhe makinë u është gjetur edhe shuma e parave prej 23 mijë eurosh, që dyshohet se janë të përfituara nga kjo veprimtari kriminale.
