Një 59-vjeçar nga Durrësi përfundoi në prangat e policisë, pasi rezultonte në kërkim ndërkombëtar nga autoritetet italiane.
Viktor Leki, rezulton i dënuar në shtetin fqinj me 8 vite burg nën akuzën e trafikut të drogës.
59-vjeçari ishte shpallur në kërkim ndërkombëtar pasi Gjykata e Leçes në mars të vitit 2018 e ka dënuar me 8 vite e 4 muaj burg për veprën penale ‘Pjesëmarrje në grup kriminal, me qëllim trafikimin e narkotikëve’.
“Ky shtetas ishte shpallur në kërkim ndërkombëtar, pasi Gjykata e Leçes, Itali, me vendimin e datës 06.03.2018, e ka dënuar me 8 vjet e 4 muaj burgim, për veprën penale “Pjesëmarrja në grup kriminal, me qëllim trafikimin e narkotikëve”.”, thuhet në njoftimin e policisë.
Sakaq, vijojnë procedurat për ekstradimin e këtij shtetasi në Itali.
